1-ва Скопска - МТМ Телевизија

Општина Ѓорче Петров, продолжува со инвестиции во спортот и младите генерации. По долг период, општината повторно се развива, инвестира и обновува, со јасна стратегија за создавање современи спортски објекти кои ќе го поттикнат здравиот и активен живот на најмладите. Во рамките на оваа визија, неодамна беше завршена реконструкцијата на спортскиот терен во ООУ „Димитар Поп Георгиев – Беровски“, каде што е поставена нова тартан подлога на површина од 650 м², известуваат од општината.

Општина Ѓорче Петров и Република Македонија оваа година го прават првиот чекор кон приклучување кон глобалната иницијатива „Да ги направиме градовите отпорни 2030“ (MCR2030), информираат од таму. Овој потег, според нив претставува значаен чекор кон развој на локалниот капацитет за управување со ризици и подобрување на отпорноста на заедниците пред природни катастрофи, со цел осигурување на безбедноста и благосостојбата на сите граѓани.

Министерот за социјална политика, демографија и млади, Фатмир Лимани, денеска, заедно со претседателот на Владата на Република Северна Македонија, Христијан Мицковски, градоначалникот на општината Ѓорче Петров, Александар Стојкоски, министерот Мисајловски, заменик-министерот Велковски, и други присутни пратеници, советници и граѓани, симболично го означи почетокот на изградба на новата детска градинка во населеното место Стопански Двор, Ѓорче Петров.

Општина Ѓорче Петров повторно ги вклучува граѓаните во изготвување на буџетот. Како и минатите две години, жителите на оваа општина повторно ќе имаат можност да учествуваат во креирање на буџетската каса за 2025 година.

Градоначалникот на општината Ѓорче Петров, Александар Стојкоски, соопшти дека од лични и морални причини оставка поднел директорот на општинското основно училиште во кое се случи обид за силување на ученик. На негово место, веќе е именуван нов ВД директор.

Општина Ѓорче Петров објавува старт на реализацијата на уште едно ветување дадено кон граѓаните – изградба на нова пешачка патека и улично осветлување од Волково до Орман. Патеката ќе биде во должина од 1.800 метри и ширина од 1.4 метри, а целта е да се поврзе основното училиште „Јоаким Крчовски“ со село Орман, решавајќи децениски проблем од недостиг на безбедна зона за пешачење.

Со мнозинство гласови советот на Општина Ѓорче Петров изгласа отпочнување на постапка за измена и дополнување на ДУП за Градска четврт СЗ 15, Блок СЗ 15.03, за обезбедување локација за нова катна гаража. Ова денеска го соопшти градоналникот на општината Александар Стојкоски.

Започна изградбата на училишната спортска сала во подрачното училиште „Димитар Поп Георгиев – Беровски“-Хром. На вкупна површина од 476 м², со димензии 27,40 x 15,6 метри и максимална височина до 12,4 метри, денеска стартуваше со изградба училишната спортска сала во подрачното училиште во Хром „Димитар Поп Георгиев – Беровски“.

Со спектакуларен концерт заврши одбележувањето на „Денови на Општина Ѓорче Петров“.

Со положување свежо цвеќе на споменикот на Ѓорче Петров во реонскиот парк и со свечена седница на Советот, општината го одбележа празникот на општината – 20 септември.

Поради планирани зафати во електро-дистрибутивната мрежа, на ден 12.09.2024 година, четврток, без напојување со електрична енергија ќе останат корисници во општината Ѓорче Петров.

Општина Ѓорче Петров информираше за најновата градежна активност. Во моментов се изведуваат работи на асфалтирање на кракците на улица 51 во Стопански Двор, како и краците на улица 31 и улица 49 во Волково.

Општина Ѓорче Петров, како дел од својата еколошка политика, организира голема акција за собирање кабаст отпад. Оваа иницијатива е наменета за граѓаните кои сакаат да се ослободат од мебел, бела техника и други предмети што повеќе не им се потребни.

Ја известуваме јавноста дека против градоначалникот на Општина Ѓорче Петров, Александар Стојкоски, поради пречекорување на границите на своите службени овластувања и сериозни сомнежи за криминална и коруптивна бизнис зделка, од страна на Левица ќе биде поднесена кривична пријава, велат од Левица.

Без струја денеска од 9 до 12 часот ќе останат корисниците на ул. „Нерешка“ во општина Ѓорче Петров.

Општина Ѓорче Петров за учебната 2024/2025 година обезбеди ранче и прибор за секое прваче во сите шест основни училишта.

Општина Ѓорче Петров почна со поставување 1.450 квадратни метри нова тартан-подлога на игралиштето „Бранители“, која ќе го подигне нивото на спортот и рекреацијата.

Во пресрет на новата учебна година, општината Ѓорче Петров информираше дека се преземаат активности во насока на подобрување на условите во општинските основни училишта.