Oтстранети 50 кубни метри отпад во Скопје за време на новогодишната ноќ
- Детали
- Категорија: Град Скопје
- Создадено: 02 Јануари 2025
Комунална хигиена-Скопје и во текот на новогодишната ноќ реализираше активности за одржување на хигиената и чистотата на јавните површини во градот Скопје, како и празнење на поставените садови за одлагање комунален отпад.
Веднаш по завршувањето на новогодишната прослава на плоштадот Македонија, екипите на ЈП Комунална хигиена-Скопје извршија целосно расчистување на просторот на плоштадот, улицата Македонија и пешачките мостови во централното градско подрачје, во чиишто рамки беа подигнати и транспортирани 20 кубни метри ситни отпадоци одложени на јавни површини.
Во текот на новодишната ноќ беа отстранети и приближно 30 кубни метри отпад од диви депонии во скопските општини Гази Баба и Карпош. Интервенирано е на улицата Душан Тасковиќ во населбата Железара, како и на булеварот Илинден, во непосредна близина на комплексот МИДА.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс