1-ва Скопска - МТМ Телевизија

Со новиот термин за полициски час, од ЈПС информираат дека нема да има автобуси од утре па се до вторник до 5 часот. 

„Ве информираме дека од утре, недела (24.05.2020 год) од 11 часот до вторник (26.05.2020 год) до 5 часот, јавниот превоз нема да функционира, додаваат оттаму.

Времениот целосен прекин на сообраќањето на автобусите на ЈСП Скопје и приватните превозници е согласно Одлуката на Влада на РСМ за забрана на движење на населението во посочениот период.

Денеска е именден на Киро, Кирил, Кире, Мето, Методиј...Честит за сите нив!

Одбележувајќи го овој голем ден се сеќаваме на ликот и делото на браќа Кирил и Методиј, светите браќа просветители кои оставија голем аманет на идните генерации, информираат од ДКЦ Карпош.

Големите македонски и сесловенски просветители, браќата Кирил и Методиј се темел на писменоста кои со своeто големо дело за човештвото - просветителската мисија се заслужни за културниот развој на словенските народи, одговорни за словенската писменост и литература.

Изложбата на цртежи кои пристигнале и се дел од манифестацијата „Цртање на асфалт“ - 2020 јавноста ќе може да ја види во вторник на 26 Мај, на ФБ страната и YOUTUBE каналот на ДКЦ Карпош.

Во скопската населба Радишани, веднаш спроти бензинската пумпа „Еурооил“, вчера избувна пожар

Запален беше објект околу кој има бујна вегетација и стари хаварисани возила.

Интервенираа пет екипи на Противпожарната служба со помош на граѓаните.

Чад од пожарот имаше во целата населба, а очевидци кажуваа дека пожарот наводно настанал од искра при сечење железо.

Од пожарот небото над Радишани беше смрачено од огромен облак црн густ чад, а граѓаните во паника ги преместуваа своите возила паркирани во близина на пожарот.