Шилегов: Арсовска тресе од ракав проекти во кои никој не верува
- Детали
- Категорија: Град Скопје
- Создадено: 29 Септември 2021
Актуелниот градоначалник на Скопје и кандидат за нов мандат, Петре Шилегов, денеска упати реакција, на, како штo се вели, лажните верувања на противкандидатот oд ВМРО-ДПМНЕ.
„Данела Арсовска продолжува исто како вчера, со од ракав истресени проекти, на кои никој не верува и служат за потсмев на социјалните мрежи. Ако вчера вети бесплатен превоз, на што цело Скопје се смее, денес ова го надополни со нова уште поголема лага - ветување за 250 нови автобуси“, реагираат од штабот на Шилегов.
Од таму сметаат дека целта на Арсовска е со мегаломански ветувања да ги покрие своето незнаење и безидејноста.
„Утопија се овие ветувања на Арсовска, а готовиот план за 'бас рапид системот' се реалност, која веќе се реализира“, реагираат од таборот на Шилегов.
Нагласуваат и дека скопјани може да препознаат што е планирано, добро осмислено решение, а што изборен лош маркетинг.
„Арсовска е лош менаџер, кој нема ниту план ниту идеја за проекти, а има вреќа полна лажни ветувања“, потенцира Шилегов.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс