All for Joomla All for Webmasters

Со "Стихови за душата" одбележана 19-та Литературна манифестација "Илинден 2018"

Литературна манифестација "Илинден 2018"

Во стиховите на 26 реномирани автори од Македонија и балканските држави имаа можност да уживаат љубителите на поезијата во Општина Илинден на централниот настан од годинашната 19-та Литературна манифестација Илинден 2018 - поетскиот митинг ,,Стихови за душата,,.

 

Во Домот на култура Илинден, во Општина Илинден, се одржа централниот настан од годинешната 19-та Литературна манифестација Илинден 2018 - поетскиот митинг Стихови за душата. Љубителите на поезијата во Општина Илинден ја имаа привилегијата да уживаат во стиховите на 26 реномирани автори од Македонија и балканските држави, автори со богати творечки опуси чии дела имаат понесено многубројни награди. Градоначалникот на општина Илинден Жика Стојановски истакна дека Литертурната манифестација "Илинден" со својата оригиналност и автентичност зазема значајно место и остава силен белег во културата на Република Македонија и регионот. Цела недела додека трае литературната манифестација, во Општина Илинден се случува вистински празник на книгата, што всушност е и главна цел на оваа манифестација. Прв со своите стихови поетскиот митинг го отвори Ефтим Клетников кој изјави дека му претставува чест и задоволство што е дел од еден ваков голем поетски настан и една важна манифестација за македонското творештво, манифестација која од балканска станува интернационална.


Литературната манифестација ,,Илинден,, е само дел од активностите што Општина Илинден ги презема во насока на развој и негување на културните и образовни вредности. Оваа манифестација која е создадена пред 19 години, денес ја остварува својата цел - интензивирање и промовирање на современите културни достигнувања. На сите учесници во манифестацијата градоначалникот им додели признанија за особен придонес во афирмацијата на културниот развој на општина Илинден.

 

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.
       

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени.