Најдобрите ученици од Општина Карпош на одмор во Грција
- Детали
- Категорија: Карпош
- Создадено: 07 Август 2019
Вкупно 103 ученици од Општина Карпош утринава заминаа на одмор во Република Грција, во кампот „Александра“. Станува збор за осум првенци на генерација, 38 ученици во социјален ризик и 57 спортисти.
Од Општина Карпош соопштуваат дека тоа се ученици кои во текот на изминатата учебна година покажале најдобри резултати во наставниот дел и во спортот.
Како што информираат, од оваа година се зголемил опфатот на децата, и локалната самоуправа одлучила да даде простор и на учениците од социјално – загрозените семејства.
-На овој начин обезбедуваме поттик и поголем простор за дружење меѓу сите ученици кои една недела ќе имаат можност да другаруваат, да спортуваат и да се рекреираат. Предвидени се различни активности за учениците: пинг – понг, игри без граници, тематски забави на плажа, водени спортови, одбојка, се вели во соопштението на Општина Карпош.
Со цел грижа на децата, присутни се и лица од Општина Карпош, претставници од Одделението за образование и Одделението за спорт и култура. Дополнително, за децата ќе се грижат и обучени тренери.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс