Буџетот на Општина Кисела вода за 2019 година се креира во соработка со граѓанскиот сектор
- Детали
- Категорија: Кисела Вода
- Создадено: 08 Ноември 2018
Претставниците на невладини здруженија и спортски субјекти денеска во Општина Кисела Вода имаа можност да учествуваат во креирањето на Буџетот на Општината за 2019 година, што во моментов е во подготвка.
– На оваа работна средба претставниците на спортските субјекти, невладините и граѓански организации, културно-уметнички друштва, пред градоначалникот Филип Темелковски ги претставија своите потреби, предлози и идеи кои би придонеле за подобрување на нивната работа во 2019 година, наведе портпаролот на Општина Кисела Вода, Јанко Бацарија.
Посочи дека Темелковски се интересирал и за активностите кои тие планираат да ги започнат во иднина.
– Градоначалникот нагласи дека сите добри предлози ќе бидат разгледани и ќе бидат прифатени. Додека, пред претставниците на спортските клубови Темелковски истакна дека поддршката која Општината досега им ја дава ќе продолжи и во иднина се со цел да се омасови интересот за спортот и клубовите да постигнуваат подобри резултати, информираше Бацарија.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
