Разубавување на дворовите во училиштата во Кисела Вода
- Детали
- Категорија: Кисела Вода
- Создадено: 10 Октомври 2019
Општина Кисела Вода во соработка со Волонтерски центар - Скопје и СУГС „Браќа Миладиновци“ спроведува активности за хортикултурно уредување на дел од дворовите на училиштата и градинките.
Учениците од ветеринарната струка од средното училиште, дел од вработените од Општината и волонтерите од Волонтерскиот центар, акцијата за разубавување на дворовите денеска ја стартуваа од општинското основно училиште „Невена Георгиева-Дуња“. Тие во насока на зачувување на животната средина од стари автомобилски гуми создаваат саксии за нови садници и фигури за игра, кои ќе им помогнат на децата во психомоторниот развој.
Во периодот што следува гумите офарбани во различни бои ќе направат попријатен амбиент во ООУ „Кузман Јосифовски Питу“ и во објектите на ЈДГ „Весели Цветови“, „Синоличка“ и „Мимоза“.
Покрај ова, со активностите ќе биде опфатено и расчистување на сувите лисја од дворовите.
На предлог на локалната самоуправа во акцијата вклучени се и дечињата со аутизам.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
