За првпат Пинтија добива затворена спортска сала. Учениците од ПОУ ‘Рајко Жинзифов” за кои досега наставата по физичко образование се одвиваше во супстандардни услови ќе добијат современ објект кој ќе се протега на 350 м2. Градоначалникот Орце Ѓорѓиевски кој присуствуваше на почетокот на градежните активности истакна дека обезбедувањето на неопходна спортска инфраструктура за развивање на физичките потенцијали и подобрување на здравјето на децата е дел од стратегијата за развој на младите и подобрување на квалитетот на живот во општина Кисела Вода.
 
Општина Кисела Вода набавува мерна станица за квалитет на воздухот, која ќе биде поставена во непосредна близина на фабриката „Цементарница“.
 

Дел од Кисела Вода со прекинато водоснабдување

Поради реконструкција на водоводна цевка Ф 110 мм на улица Саса бб, во населбата Пинтија, карши „Бујо градба“, со прекинато водоснабдување ќе бидат корисниците од улиците Саса, Јабланица, 1438 и 1439.
 
Под слоганот “Големи идеи, за сериозни промени”, градоначалникот Орце Ѓорѓиевски синоќа го презентираше отчетот од својата двегодишна работа. Реализирани се 90 проценти од целокупната предизборна програма, предвидена за четири години, истакна во своето излагање, додавајќи дека како никогаш досега во овие 30 години, е извршена обнова на инфраструктурата.
 

Без вода денеска селото Драчево

ЈП „Водовод и канализација“ известува дека денеска, поради изведување приклучок од Ф100 мм на улицата Домазетовска бб до црквата во селото Драчево, прекинато водоснабдување ќе имаат корисниците од селото Драчево.
 
Моето ветување е исполнето. Избран е концептот за хумано домување наместо бетонизација на Расадник, објави на социјалните мрежи градоначалникот на општината Кисела Вода, Орце Ѓорѓиевски.
 
Почна реализацијата на капиталниот проект за изградба на подземна инфраструктура во населбата Стаклара (Каменик). Ова е последното населено место во општина Кисела Вода, каде што во 21 век сѐ уште се користат септички јами. И покрај тоа што тука живеат речиси 500 семејства и се лоцирани над 60 бизнис-ентитети, овој проект, поради сложеноста на зафатот и превисоката цена за негова реализација, не бил воопшто планиран од страна на ниедно претходно раководство на Општината, велат од Кисела Вода.
 
Градоначалникот на општина Кисела Вода, Орце Ѓорѓиевски, денес, достави смарт-уреди во основните училишта во Кисела Вода. Со ова, велат од неговиот кабинет, дека сите основни училишта се опремени со смарт-уреди во училниците, што е од голема корист за децата и зголемување на интересот за наставата што ја посетуваат.
 
Општина Кисела Вода го објави повикот до граѓаните за субвенционирање дел од трошоците за купување дрва за огрев.
 
Завршена е реконструкцијата на повеќенаменското и кошаркарското игралиште во ООУ “Партенија Зографски”. Градоначалникот Орце Ѓорѓиевски ја пресече лентата и со тоа ги стави во функција обновените објекти кои за учениците од овој дел на општина Кисела Вода значат подобри и посовремени услови за спортување и рекреација. Кошаркарското игралиште доби нова асфалтна подлога, како и нова ограда околу него. На повеќенаменското игралиште кое се протега на површина од 935 м2 е поставена висококвалитетна вештачка трева, извршена е замена на оштетените заштитни мрежи зад головите, а обновени се и клупите на трибините кои беа видно оштетени.
 
Потстаница комплетно го менува својот лик станувајќи вистинска урбана населба, истакна градоначалникот Ѓорѓиевски при денешниот увид во Драчево.
 
Почна реконструкцијата на улиците Гутенбергова, Волтерова, Марија Кири и Ѓорѓи Војтех во населбата Драчево, извести Општина Кисела Вода.
 
Градоначалникот Орце Ѓорѓиевски го посети ООУ „Партенија Зографски”. Во овој училишен објект денес започна реконструкција на повеќенаменското и кошаркарското игралиште со што учениците ќе добијат подобри и посовремени услови за спортување и рекреација. Летниот период се искористи и за реновирање на три училници кои претходно беа во катастрофална состојба, а се изработува и проект за огромен паркинг простор кој ќе ги задоволи потребите на жителите од овој дел на општината, известува општина Кисела Вода.
 
Проширената градинка „Кокиче“ е подготвена за прием на нови дечиња, соопштија од Општина Кисела Вода.
 
Четири јавни повици за субвенции објави денеска Општина Кисела Вода кои на жителите од овој дел на градот ќе им обезбедат финансиска подршка за набавка на печки за пелети, за пелети како енергенс, за кофинансирање при набавка на термоизолациони материјали за реконструкција на фасади на станбени згради, како и за поправка и санација  на постоечки лифтови  во станбени згради на подрачјето на општината.
 
Сите основци од училиштата од општина Кисела Вода новата учебна година ќе ја започнат со бесплатни нови униформи, соопшти Општина Кисела Вода.
 
Хрватската ѕвезда Петар Грашо ќе пее во рамките на Културното лето и одбележувањето на роденденот на Општина Кисела. Културно-забавните случувања почнуваат во четврток на 22 јуни и ќе траат до 29 јуни, кога ќе настапат низа македонски изведувачи, уметници и за хрватскиот пејач.
 
Децата од социјално загрозени семејства од општина Кисела Вода ќе добијат бесплатно летување. Денес е распишан огласот и се објавени критериумите кои на ученици од семејства приматели на социјална или било каква друга помош, еднородителски семејства, семејства чии примања не надминуваат 35 000 денари месечно, семејства со еден вработен, примател на минимална плата, ќе им овозможат овој август да поминат неколку дена со своите врсници во некое од летувалиштата на Охридското Езеро., соопштија од Општната.
 

© MTM ТВ Дооел - Скопје. Сите права се заштитени.