МНТ со претставата „Бели ноќи“ ќе учествува во одбележувањето на 80-годишнината на Народнiот театар – Битола
- Детали
- Категорија: Култура
- Создадено: 06 Ноември 2024
НУ Народен театар, Битола оваа година ја одбележува 80-годишнината од неговото формирање.
Македонскиот народен театар на 7 декември во чест на одбележувањето на овој голем јубилеј ќе ја одигра претставата „Бели ноќи“ според делото на Ф. М. Достоевски, а во адаптација и режија на Звездана Ангеловска.
Во овој копродукциски проект играат Ана Јовановска и Дамјан Цветановски.
Како сценограф се потпишува Мартин Манев, костимограф е Роза Трајческа-Ристовска, а музиката е на Марјан Неќак.
Претстава „Бели ноќи“ својата премиера ја имаше на 17 октомври на малата сцена во МНТ и наиде на многу позитивни коментари од страна на публиката.
Следните изведби во МНТ, на оваа љубовна драма, се закажани на 15 и 28 ноември со почеток во 20:00 часот, а билетите се веќе пуштени во продажба.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
