1-ва Скопска - МТМ Телевизија

Во пресрет на концертниот спектакл Candlelight: Timeless, кој ќе се одржи на 22 март во Македонската филхармонија, многубројните свеќи го осветлија Мостот на уметноста во срцето на Скопје создавајќи магична атмосфера, што го најави овој уникатен музички настан.

https://www.facebook.com/watch/?v=1155608406101398

Активацијата, која се одржа во четвртокот, привлече многубројни минувачи и љубители на класичната музика, кои беа сведоци на несекојдневен визуелен спектакл. Видеото од оваа грандиозна најава ги доловува амбиентот и возбудата што владеат пред концертот, што ќе внесе безвременска магија во концертната сала на Филхармонијата.

<iframe src="https://www.facebook.com/plugins/video.php?href=https%3A%2F%2Fwww.facebook.com%2Fprofundisorchestra%2Fvideos%2F4095913507397198%2F%3Fidorvanity%3D1143047880879648%26ref%3Dembed_video&show_text=0&width=267" width="267" height="476" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share" allowFullScreen="true"></iframe>

Петар Пејчиќ: виртуозот што со нетрпение го очекува својот прв настап во Македонија

Еден од најдобрите млади виолончелисти во светот, Петар Пејчиќ, првпат ќе настапи пред македонската публика. Со својот исклучителен талент и меѓународни признанија Пејчиќ е веќе значајно име на светската класична сцена, a веќе со години го привлекува светското внимание со својата виртуозност, музикалност, неверојатна техника, сценски изглед и харизматична изведба. Toj е награден на неколку престижни меѓународни натпревари, вклучувајќи го Вториот меѓународен натпревар на кралицата Елизабета, и е дел од програмите на престижни академии и фондации.

 „Навистина сум возбуден што ќе настапам во Скопје првпат! Ова ќе биде исклучителна вечер исполнета со неверојатна музика, емоции и посебна атмосфера. Со нетрпение очекувам да ја споделам сцената со врвниот камерен оркестар ‘Профундис’ и да ја почувствувам енергијата на македонската публика“, изјави Пејчиќ.

Програма на концертот – безвременски дела и ексклузивна изведба на свитата The Hours

Овој концерт ќе понуди богат и внимателно избран репертоар, кој ги обединува класичните ремек-дела со современи маестрални композиции. Посебен акцент е ставен на саундтракот од филмот The Hours, кој првпат ќе биде изведен во Македонија.

Филип Глас – музика од филмот The Hours. Музиката на Филип Глас за овој филм е пример за минималистичката генијалност што носи длабока емоција и меланхолија. Неговата свита ги води слушателите низ слоеви на суптилна експресија создавајќи атмосфера што остава длабок впечаток.

Давид Попер – Унгарска рапсодија оп. 68. Ова дело е вистински предизвик за секој виолончелист – виртуозноста и драматичните мелодии ја прават рапсодијата динамична и незаборавна.

П. И. Чајковски – рококо варијации. Инспирирани од класичниот стил на Моцарт овие варијации се елегантна и виртуозна демонстрација на виолончелистичката уметност.