![](/images/Fotografii_46/vozac-na-avtobus.jpg)
Полицијата застанала косовски автобус кај Крива Паланка и нашла над 5.000 лекови, брендирани чанти и парфеми, приведени се две лица
- Детали
- Категорија: Македонија
- Создадено: 24 Јули 2024
![](/images/Fotografii_46/vozac-na-avtobus.jpg)
Приведени се двајца косовски државјани кои во автобус криумчареле стока без соодветна документација.
Полицијата го сопрела автобусот околу 3.50 часот утрово кај Крива Паланка, а возилото било во сопственост на компанија за превоз на патници од Косово.
„При извршениот преглед на возилото и патниците, пронајдени се повеќе кутии со лекови со вкупно 5.942 таблети, 100 пакувања со кафе, 36 чанти со натпис од заштитени брендови, 104 машки парфеми и други предмети за кои немало соодветна документација“, соопшти МВР.
Г.Ќ.(28) и Џ.М.(27), двајцата од Косово, се лишени од слобода, поради сомнение за прикривање на стоки кои се предмет на криумчарење и царинска измама и злоупотреба на службената положба и овластување.
По консултација со јавен обвинител автобусот со пронајдените предмети е одземен за понатамошна постапка.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
![](http://iab.mk/wp-content/themes/iab/img/badges/crn/IAB-Badge-black-S.png)
Сите статии објавени на МТМ.мк се во согласност со ИАБ етичкиот кодекс
![](../images/sovet-za-etika.jpg)