![](/images/Fotografii_46/mickoski-3.jpg)
Мицкоски: Од информациите што ги имам има индиции на злоупотреби во Академијата за судии и обвинители
- Детали
- Категорија: Македонија
- Создадено: 26 Јули 2024
![](/images/Fotografii_46/mickoski-3.jpg)
„Од она што го знам, има индиции за злоупотреби, има индиции за создавање еден центар на моќ во Обвинителството и судството, кој е партиски октроиран преку наместени огласи, избори и слично. Такви индиции има, дали ќе се потврди, ќе каже МВР“, вели претседателот на Владата на Република Северна Македонија, Христијан Мицкоски, одговарајќи на новинарско прашање.
Премиерот Мицкоски додаде дека доколку се потврдат овие индиции, значи дека тоа е само уште еден доказ оти имаме партиски октроирани и заробени и обвинителство и судство.
„Но, доколку се потврди, од она што јас го имам на располагање, тоа е уште еден чекор кон тоа дека навистина имаме партиски октроирани и заробени и обвинителство и судство и не ме чуди што довербата е само два процента“, рече тој и додаде:
„И континуирано ќе продолжиме да се бориме против криминалците во правосудниот систем. Ќе повторам, станува збор за исклучоци. Имаме многу чесни обвинители и судии, но, за жал, тие се во втор план, овие се во прв план малкумина и затоа состојбата е таква каква што е, односно довербата е скромни два процента“.
Премиерот Мицкоски е дециден и вели дека во државата мора да владее правда.
„Ние ќе продолжиме и понатаму. Нема да застанеме тука како Влада. Мора граѓаните да добијат правда бидејќи тоа е она со што излеговме уште за време на кампањата на претседателските избори во 2019 година. Правда мора секој да добие“, нагласи тој.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
![](http://iab.mk/wp-content/themes/iab/img/badges/crn/IAB-Badge-black-S.png)
Сите статии објавени на МТМ.мк се во согласност со ИАБ етичкиот кодекс
![](../images/sovet-za-etika.jpg)