„Курти е еден од најомилените премиери за нас, кој мисли поинаку ја сменил ДНК на Албанецот со ДНК од интерес“, рече Таравари
- Детали
- Категорија: Македонија
- Создадено: 19 Ноември 2024
„Претседателот на Владата на Република Косово, Албин Курти е еден од најомилените премиери за нас и дефинитивно тој и премиерот на Република Албанија, Еди Рама се едни од најважните премиери во светот за сите Албанци и тоа е тоа“, напиша на социјалните мрежи, министерот за здравство Арбен Таравари.
„Кој мисли поинаку ја сменил ДНК на Албанецот со ДНК од интерес…“, додаде тој.
Претходно, лидерот на ДУИ, Али Ахмети и потпретседателот на партијата, Бујар Османи, реагираа на изјавата на косовскиот премиер, Албин Курти, кој вчера во Приштина изјави дека албанскиот јазик не е загрозен во Македонија, спротивно на тврдењата на Интегративците.
Во разговор за косовските медиуми, Османи изјави дека изјавата на Курти е штетна и охрабрувачка за сите оние кои сакаат да го поништат Охридскиот договор.
Лидерот на ДУИ, Али Ахмети, како што пренесоа косовските медиуми, пред сопартијците истакнал дека додека ДУИ е жива, во опозиција или на позиција, нема да толерира да биде погоден Охридскиот договор
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
