„Сонувајте мирисни полиња, сонувајте сончеви утра, сонувајте мирно езеро, сонувајте и патувајте…“ напиша Драган Спасов Дац
- Детали
- Категорија: Македонија
- Создадено: 20 Март 2025
Актерот Драган Спасов Дац се огласи на социјалните мрежи по трагедијата што се случи во Кочани, кога на 16 март, во пожар во дискотеката „Пулс“, 59 луѓе го загубија својот живот.
„Сонувајте мирисни полиња со вртипоп од кои пчелите ги товараат своите бисаги со полен. Сонувајте сончеви утра во кои росата ја пои тревата. Сонувајте мирно езеро како тепсија во кое се одразува вашата личотија. Сонувајте ги најубавите бои и птици, сонувајте птици кои се враќаат во ланските гнезда“, напиша актерот Драган Спасов Дац.
„Сонувајте виножито по кое ситниот дождец создава ноти. Сонувајте како љубовта владее со светот и сите танцуваат во ритмот на небесната музика. Сонувајте ги ѕвездите, тие ќе сјаат само за вас. Безброј ѕвезди кои ќе ви го осветлуваат патот. Сонувајте и патувајте…“, додаде Дац.
Денеска беа погребани починатите.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
