Панихида во спомен на паднатите бранители од воениот конфликт во 2015 година
- Детали
- Категорија: Македонија
- Создадено: 09 Мај 2025
Во Соборниот храм “Свети Никола” денеска се служеше панихида, во знак на вечен спомен кон припадниците на македонските специјални сили, кои ги загубија своите животи во воената престрелка, во кумановското “Диво насеље”.
Во акцијата пред една деценија, на 9 и 10 мај 2015 година, загинаа осум припадници на безбедносните сили, кои постхумно беа одликувани со орден за храброст.
На црковниот обред присуствуваше и претседателката на Советот на Општина Куманово, Ивана Ѓорѓиевска, во присуство на преставници од СВР – Куманово и повеќе граѓански здруженија.
Во чест на загинатите херои пред нивното спомен обележје, делегација од општина Куманово предводена од секретарот на Општината Емилија Сларидис – Јаневска положи свежо цвеќе, поклонувајќи се пред нивната храброст, посветеност и пример за зачувување на безбедноста на граѓаните.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
