Муртезани со претставници на Европската агенција за дроги: нагласена потребата од зајакнување на капацитетите на националните институции
- Детали
- Категорија: Македонија
- Создадено: 14 Мај 2025
Министерот за европски прашања, Орхан Муртезани, денеска имаше средба со претставници на Европската агенција за дроги (EUDA), на која што се разговараше за продлабочување на институционалната соработка и усогласување со европските стандарди во борбата против трговијата со дрога.
На средбата се разговараше за значењето на навремената размена на информации преку европскиот систем за рано предупредување, како и за улогата на земјите кандидатки за членство во ЕУ во заедничките напори за заштита на јавното здравје и јакнење на безбедноста во регионот и пошироко во Унијата.
Соговорниците ја нагласија потребата од зајакнување на капацитетите на националните институции, како и на важноста од постоење на функционален систем за рано предупредување и мониторинг, согласно европските практики. Тие ја реафирмираа заедничка посветеност кон европските вредности, при што беше изразена подготвеност за натамошно продлабочување на техничката и експертската соработка помеѓу Северна Македонија и EUDA, како дел од поширокиот процес на евроинтегрирање.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
