1-ва Скопска - МТМ Телевизија

Бред Пит и Џорџ Клуни прошетаа заедно во Венеција и облечени во елегантни костуми го привлекоа вниманието на своите фанови. Се прошетаа и по венециските канали.

Клуни и Пит имаат одлична хемија пред камера, а последен пат заедно соработуваа во 2008 година кога се појавија во филмот Burn After Reading. Заедно тие глумеа во три дела од франшизата на „Единаесеттемина на Оушн“.

Сега ќе ја претстават новата акциона комедија Wolfs. Во филмот Клуни глумеше професионален криминалец, чија задача е да прикрие криминал од висок профил. Но, кога Пит, ангажиран за истата работа, ќе се појави на местото на злосторството, двата волци сами мора да ги здружат силите.

Бред со себе во Венеција ја поведе и 26 години помладата девојка Инес де Рамон. Тие се снимени во друштво на Клуни и неговата сопруга Амал. Сите беа одлично расположени и изгледа дека воопшто не им пречеа папараците што ги следеа. Фотографите ги снимиле додека се возеле низ Венеција патувајќи кон ресторан, каде што вечерале заедно.