1-ва Скопска - МТМ Телевизија

Трогателна фотографија од Кејт Мидлтон е објавена на официјалниот инстаграм-профил на принцезата и принцот од Велс. Таа се запознала со фотографката Лиз Хатон (16), која се бори со редок тумор.

Лиз, по потекло од Харогејт во Јоркшир, обожава фотографија и доби лична покана од принцот Вилијам да дојде во Виндзор, пишува „Дејли мејл“. Лиз исто така беше поканета заедно со семејството да ги запознае Вилијам и Кејт приватно за да разговараат за битка со ракот на Кејт. За време на таа средба, Кејт ја прегрна девојката.

„Ми беше задоволство да ја запознаам Лиз во Виндзор денес. Таа е талентирана млада фотографка, чија креативност и сила нè инспирираа и двајцата. Ви благодариме што ги споделивте вашите фотографии и приказната со нас“, пишува во описот до фотографиите што ги споделија Кејт и Вилијам.

Вилијам дознал за Лиз преку добротворната организација London Air Ambulance, чиј покровител е тој.