1-ва Скопска - МТМ Телевизија

Познатиот актер Морган Фримен (87) ја откри вистинската причина поради која секогаш ги носи своите препознатливи златни обетки, а неговото објаснување е помрачно отколку што мислите.

Фримен, кој е познат по својот заштитен знак, ги носи овие обетки откога се прослави во филмот Street Smart во 1987 година кога имал 49 години. Сепак, обетките не се само моден додаток, туку служат како осигурување во случај на неговата смрт, пренесува „Дејли мејл“.

„Овие обетки, постојано ме прашуваат за нив. Вистината е дека вредат колку еден ковчег во случај да умрам во туѓа земја. Затоа морнарите ги носеа и затоа и јас ги носам“, рекол еднаш на „Инстаграм“.

Во интервју за „Фокс њуз“ во 2016 година Морган објасни дека инспирацијата за овој обичај ја нашол во филмот The Crimson Pirate, во кој Бурт Ланкастер глумеше пират на Карибите.