1-ва Скопска - МТМ Телевизија

Мартин Цани, 14-годишниот фудбалер на Динамо од Тирана е убиен во близина на училишниот двор во главниот град на Албанија, јавуваат локалните медиуми.

Цани бил избоден шест пати, што било фатално, објави Курир.

Динамо излезе со соопштение во кое изразува длабоко сочувство до семејството Цани и ја истакнува поддршката во овие тешки моменти:

„Бевме длабоко шокирани од трагичната вест за прераното заминување на нашиот играч Мартин Цани, член на тимот до 15 години. Претседателот Адријан Барди и клубот ФК Динамо Сити изразуваат искрено сочувство до семејството Цани и се со нив во овие многу тешки моменти, почивај во мир, Мартин“, стои во соопштението на клубот од Тирана.

Трагичниот исход дошол по тепачка меѓу две групи тинејџери.

Според написите, уште еден ученик се здобил со две убодни рани, но неговиот живот не е во животна опасност.