1-ва Скопска - МТМ Телевизија

Администрацијата на американскиот претседател Доналд Трамп планира да го отповика привремениот правен статус на 240.000 Украинци што  избегаа во САД пред војната против Русија, изјави висок функционер на Трамп и тројца извори запознаени со ова прашање, што значи дека тие би можеле да бидат депортирани по забрзана постапка. Одлуката се очекува во април, а се работеше на тоа дури и пред Трамп јавно да се судри со украинскиот претседател Володимир Зеленски минатата недела.

Тоа е дел од пошироките напори на администрацијата на Трамп да го отповика правниот статус на повеќе од 1,8 милион мигранти што влегле во Соединетите Американски Држави според хуманитарните програми на администрацијата на Бајден за условно ослободување, велат изворите. Од американското Министерство за домашна безбедност немаа коментар, ниту Белата куќа или украинската амбасада.

Администрацијата на Трамп планира да ги прекине овие програми, кои се однесуваат и на 530.000 имигранти од Куба, Хаити, Никарагва и од Венецуела веќе овој месец, изјави функционер на Трамп и извор запознаен со ова прашање. Мигрантите би можеле да бидат депортирани по забрзана постапка, се вели во е-поштата на американската служба за имиграција и царина до која дојде „Ројтерс“.