1-ва Скопска - МТМ Телевизија

Во Босна и Херцеговина најтешка е состојбата на подрачјето на Сански Мост каде е прогласена состојба на елементарна непогода.

Поради дождот кој со денови непрекинато врне, под вода се многу улици во Бања Лука, а поплавени се и тротоарите.

Во градот се поплавени и бројни гаражи, а особено критична е состојбата во населбата Лазарево, каде водата ги зафати куќите, а во некои населби има отсечени домаќинства.

Поради покачување на водостојот на реката Врбас, затворен е сообраќајот над Трнски Мост во месноста Лакташ.

Поради наглото покачување на водостојот на Сава и неговите притоки, кој се излеа во неколку населени места, во Градишка е прогласена вонредна состојба.

Во некои училишта во областа Градишка денеска е откажана наставата.

Поради надојување на реките Велика и Мала Усора, граѓаните низ Теслиќ мака мачат со поројните дождови, а наставата во училиштата е прекината.

Во Босанска Крупа се излеа реката Крушница и неколку потоци, а поплавени се земјоделски површини и помошни објекти