(Видео) Додик се огласи по неколкудневен молк: Пристигнав во Москва
- Детали
- Категорија: Свет
- Создадено: 01 Април 2025
Лидерот на босанските Срби, Милорад Додик, по кој трагаат правосудните органи и полициските агенции во Босна и Херцеговина, вчера вечер соопшти дека пристигнал во Москва. „Пристигнав во Москва“, вели Додик во краткото видео објавено на социјалната мрежа Икс.
Откако ја помина минатата недела во Израел, од каде ненадејно замина во четвртокот кога беше прогласен за непожелен гостин на конференција посветена на борбата против антисемитизмот, Додик престојува на непозната локација. Тој сега посочи дека пристигнал во Русија, илустрирајќи го тоа со видео на кое се прикажани ѕидовите на Кремљ зад него.
https://twitter.com/i/status/1906784075840622762
Тој објасни дека прво им оддал почит на Русите кои загинаа во Втората светска војна, а потоа рече дека планира повторно да биде во Москва на 9 мај, кога таму ќе се одбележи годишнината од победата над фашизмот.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
