1-ва Скопска - МТМ Телевизија

Поранешниот бразилски претседател Жаир Болсонаро беше опериран во приватната болница „ДФ Стар“ во главниот град Бразилија, каде беше пренесен со хеликоптер, објавија локалните медиуми.

Како што пренесува Си-ен-ен Бразил, лекарскиот тим се согласил дека е неопходна хируршка интервенција за да се реши интестиналната опструкција.

Оваа информација ја потврди самиот Болсонаро во соопштение испратено до неговите приврзаници.

„Денеска ќе подлежам на уште една операција, поради последиците од нападот со нож што ги претрпев во септември 2018 година. Со мене е бискупот Карваљо и добри лекари и медицински сестри. Со Божја помош се ќе помине добро“, напиша тој.

Поранешниот претседател прекина политички настан со своите приврзаници во петокот кога почувствува „тешка“ болка и беше пренесен со хеликоптер во болница во главниот град на државата Натал, се вели во соопштението на неговата Социјал-либерална партија, пренесе Ројтерс.