Русија ја утврди цената на вакцината „Спутник V“ - 21 евро за две дози
- Детали
- Категорија: Свет
- Создадено: 06 Декември 2020
Руското Министерство за здравство ја утврди максималната цена на вакцината против коронавирусот „Спутник V“ на 1.942 рубли за две дози или 21,5 евра, изјави Алексеј Кузнецов, помошник министер за здравство.
„Министерството за здравство на Русија ја регистрираше максималната цена на вакцината за спречување на коронавирусот 'Спутник V', што е развиена од Националниот истражувачки центар за епидемиологија и микробиологија 'Гамалеј'. Тоа е 1.942 рубли за две дози", изјави тој.
Кузнецов додаде дека цената на кутијата со пет комплети од две дози е утврдена на 9.710 рубли или околу 108 евра.
„Вакцинацијата на руските граѓани ќе биде бесплатна и апсолутно доброволна“, истакна тој.
Руската влада претходно ја додаде вакцината на списокот на витални и основни лекови.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
