1-ва Скопска - МТМ Телевизија

Руските власти на Крим ќе прогласат вонредна состојба поради излевање мазут во Црното Море откога два танкера потонаа во Керченската Теснина, соопшти денеска гувернерот на Крим, Сергеј Аксенов.

„Вчера, разговаравме со сите наши колеги и со одлука на претседателот на Руската Федерација, Владимир Путин, ќе биде воведена вонредна состојба на федерално ниво“, рече Аксенов, пренесува „Интерфакс“.

Во средата вечерта во краснодарската територија беше прогласена вонредна состојба, а министерот за вонредни ситуации пристигна во градот Анапа за да ја надгледува работата за отстранување на последиците од излевањето нафта, пренесува „Танјуг“.

Во средината на декември танкерите „Волгоњефт 212“ и „Волгоњефт 239“ потонаа во Керченската Теснина, а еден член на екипажот загина.