1-ва Скопска - МТМ Телевизија

Американскиот претседател Доналд Трамп и потпретседателот Мајк Пенс во понеделникот вечерта имаа „добар разговор“ во Белата куќа, изјави висок претставник на администрацијата, означувајќи го крајот на периодот на тишина во нивните односи по немирите во Капитол минатата недела.

Тоа е нивниот прв разговор откако републиканскиот претседател остро го критикуваше Пенс минатата среда, бидејќи тој не се обиде да го спречи Конгресот да ја потврди победата на избраниот демократски претседател Џо Бајден, пренесува „Ројтерс“.

Извор запознаен со ситуацијата рече дека Трамп не го контактирал Пенс во средата за да провери дали е безбеден, кога бил евакуиран откако толпа приврзаници на Трамп упаднале во зградата на Конгресот среде процедура за потврда на резултатите.

Официјалниот претставник рече дека Трамп и Пенс разговарале за немирите и повторија дека оние што го прекршија законот минатата недела и упаднаа во Капитол не претставуваат 75 милиони Американци.

Тие исто така ветија дека ќе продолжат да работат во име на земјата до крајот на нивниот мандат.