Путин се премисли, Русија продолжува да учествува во договорот за жито
- Детали
- Категорија: Свет
- Создадено: 02 Ноември 2022
Русија продолжува да учествува во договорот за транспорт на жито преку Црното Море, објави Министерството за одбрана на земјата.
Русија доби писмени гаранции од Украина дека нема да го користи коридорот за жито за воени операции против Руската Федерација, соопшти Министерството, додавајќи дека Украина официјално ја уверила Москва дека поморскиот хуманитарен коридор ќе се користи само во согласност со одредбите на Црноморска иницијатива.
Турскиот претседател Реџеп Таип Ердоган претходно изјави дека рускиот министер за одбрана Сергеј Шојгу му се јавил на неговиот турски колега Хулуси Акар и го информирал дека договорот за коридорот за жито „ќе продолжи како досега“ од среда.
Рускиот претседател Владимир Путин во саботата привремено го суспендираше своето учество во договорот за жито по нападите врз руските бродови за кои тврдеше дека ги извршила Украина со помош на Велика Британија,пренесе Блиц.рс.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
