Службите во Општина Бутел излегоа на терен да расчистат по невремето, подвозниците непроодни
- Детали
- Категорија: Бутел
- Создадено: 23 Јули 2023
Екипите на Општина Бутел излегоа на терен веднаш по невремето што ја зафати општината.
Општинскиот кризен штаб работи на терен на расчистување на последиците од невремето и обилните врнежи кои ја зафатија општина Бутел. Екипите на општината се во целосна координација со МВР и ЕВН.
Општинските работници работат на најкритичните места и расчистување на паднатите дрва и наносите. На терен работи и целосната механизација со која располага Општина Бутел.
Службите апелираат до граѓаните на Општина Бутел да останат смирени и ветуваат дека сите штети ќе бидат санирани. Ќе се продолжи со работа и во ноќните часови се до нормализирање на состојбата.
Отворен е телефонски број 075/274 421 на кој граѓаните на Општина Бутел можат да пријават последици од невремето.
Како што објави Макфакс, подвозниците во Бутел се поплавени од дождот и се непроодни.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
