Во Општина Бутел отворена изложба на делата од десеттата ликовна колонија „Љубанци 2020" (ВИДЕО)
- Детали
- Категорија: Бутел
- Создадено: 29 Септември 2021
Во Општина Бутел денеска бeше отворена ликовната изложба на делата од десеттата, јубилејна ликовна колонија ,,Љубанци 2020“.
Станува збор за 29 дела на 16 ликовни уметници, учесници на минатогодишната ликова колонија, што веќе традиционално се одржува во живописното Љубанци, овојпат и во ковид услови.
Љубителите на ликовната уметност имаат можност да видат: 23 слики, 1 резба и пет скулптури во дрво и во мермер.
На јубилејната, 10 - та ликовна колонија, покрај нашите реномирани ликовни уметници како што се: Данчо Ордев, Владимир Лазоски, Новица Трајковски, Харалампие Манчев, Ели Чочова и други, учествуваше само еден уметник од странство и тоа од Србија, Владан Ранѓеловиќ, додека останатите го откажаа своето учество заради пандемијата на вирусот Ковид 19 и строгите пропишани мерки, кои беа на сила минатата година.
На настанот беше промовиран специјално подготвениот каталог: Десетта ликовна колонија ,,Љубанци 2020“, во кој се презентирани уметниците и нивните дела, а се презентирани и наградените седум детски цртежи, насликани на ,,Детскиот ден“ во рамките на ликовната колонија.
Изложбата ќе биде отворена до 08.10.2021 година.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
