1-ва Скопска - МТМ Телевизија

Општина Илинден интензивно работи на подобрување на патната инфраструктура. Деновиве се асфалтираше на спојот на улиците н„10“ и улица „1“ во локалната економска зона Ограѓе, во населба Илинден.

Градоначалникот на Општина Илинден, Александар Георгиевски заедно со министерот за спорт, Борко Ристовски ја пуштија во употреба новата атлетска патека, која се наоѓа во рамки на новиот Спортски комплекс „Драго Маневски“, односно околу изграденото мултифункционално игралиште во близина на средното училиште во Илинден.

Општина Илинден почна со изградба на ново детско и кошаркарско игралиште во населено место Бучинци. Во рамки на детското игралиште ќе бидат поставени детски реквизити, лулашка, лизгалка, клацкалка, клупи, канти за отпадоци за почиста и поубава средина, партерно уреден простор со павер елементи. Дополнително во рамки на детското игралиште се гради кошаркарско игралиште со бетонска подлога, кош и партерно уреден простор.

За нас како претставници од Владата, од Парламентот, градоначалници, претставува посебна чест и задоволство што објектот којшто го почнавме да го градиме со симболично би рекол поставување камен темелник пред неколку месеци, денеска го гледате завршен, рече премиерот Христијан Мицкоски.

Новата учебна година успешно почна во сите училишта на територија на општина Илинден. Училиштата подготвени ги отворија вратите за речиси 2.000 основци и над 300 средношколци, првпат во училишните клупи седнаа приближно 170 првачиња, а во СОСУ „Илинден“ во прва година се запишани 68 средношколци.

Во рамки на Проектот за подобрување на патната инфраструктураизградба, реконструкција, рехабилитација и санација на локалните улици и патишта отпочнаа градежните активности за реконструкција на дел од ул „9“ и ул „523“ во Марино, извести општина Илинден.

Продолжува реконструкцијата на спортските игралишта во сите населени места на територија на Општина Илинден. Деновиве отпочната е реконструкцијата и на фудбалското игралиште за мал фудбал во населено место Бујковци.

Во рамки на активностите за следење и мониторирање на квалитетот на амбиенталниот воздух на територија на Општина Илинден, на пет локации поставени се посебни уреди за мерење на квалитетот на воздухот.

Општина Илинден интензивно работи на санација, реконструкција и изградба на спортските терени на нејзина територија. Во изминатиот период се изврши санација на тревната површина на три фудбалски терени, од кои еден во Кадино и два во Марино.

Со цел подобрување на патната инфраструктура Општина Илинден продолжува да работи со интензивно темпо, пришто извршено е асфалтирање на улица „5“ во Стопански комплекс Илинден.Во рамки на градежните работи извршена е изградба и  асфалтирање на улицата во должина од околу 110 метри.

До Нова година ќе биде пуштена во употреба реновираната амбуланта во Oпштина Илинден, која ќе ги опслужува и жителите на соседната Oпштина Петровец. Министерот за здравство, Арбен Таравари, вели дека околу 30.000 жители ќе имаат можност во оваа амбуланта да добиваат здравствени услуги.

Жителите од Општина Илинден добија ново место за релаксација и рекреација, станува збор за ново изградениот видиковец кој се наоѓа во делот на Бунарџик, место каде е поставена урбана опрема, изграден е видиковец од бетон, поставени се клупи, корпи за отпадоци, просторот e осветлен, хортикултурно уреден а во наредниот период ќе се изврши дополнително хортикултурно доуредување.

Од денеска е пуштена во употреба нова лабораторија за контрола на квалитетот на водата за пиење со која ќе раководи ЈКП „Водовод“-Илинден, а се отвора за првпат од основањето на претпријатието.

Општина Илинден со засилено темпо работи на изградба и реконструкција на спортските терени во повеќе населени места. Денеска беше пуштено во употреба спортското игралиште во населено место Миладиновци, кое се наоѓа во рамки на општинското основно училиште во населено место Миладиновци.

Општина Илинден интензивно работи со поврзување на домаќинствата кон Колекторскиот систем за фекална канализација во населените места Илинден и Марино, кој е во вкупна должина од 5000 метри.

Градоначалникот на Општина Илинден, Александар Георгиевски, ги додели првите решенија на граѓаните што имаа поднесено барање за добивање еднократна парична помош за купување инвертер-клими или соларни панели.

Во рамки на Проектот за подобрување на патната инфраструктураизградба, реконструкција, рехабилитација и санација на локалните улици и патишта отпочнаа градежните активности на улица „11“ во Стопански комплекс Илинден.

Во убавиот амбиент на амфитеатарот ,,Галерија на отворено” при Домот на култура ,,Илинден” во општина Илинден, се одржа 10-тиот меѓународен фолклорен фестивал ,,Св. Троица”.