Времен прекин во работењето на системот е-Даноци, соопшти УЈП
- Детали
- Категорија: Македонија
- Создадено: 15 Јануари 2025
Управата за јавни приходи известува дека, поради извршување на неопходни интервенции на системот е-Даноци, денес (среда), од 16:30 часот, истиот ќе биде недостапен.
Во овој период, даночните обврзници нема да можат да поднесуваат пријави и други електронски поднесоци преку системот е-Даноци.
Во периодот додека трае интервенцијата останатите системи на УЈП ќе бидат во функција и даночните обврзници непречено ќе може да поднесуваат пресметките за исплата на личен доход во е-ППД, вклучително и пресметки за плата (МПИН).
Се предвидува интервенцијата да трае неколку часови, а по завршување на активностите системот е-Даноци повторно ќе биде ставен во функција.
Апелираат до сите корисници на овој систем да ги завршат своите итни и неодложни обврски пред започнување на интервенцијата.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
