Се гони и таткото на возачот што ја усмрти Фросина: му го давал возилото, а знаел дека нема возачка дозвола
- Детали
- Категорија: Македонија
- Создадено: 03 Април 2025
Обвинителството поднесе обвинение и за таткото на Васил Јованов, кој ја усмрти Фросина Кулакова прегазувајќи ја на 29 јануари на пешачки премин на булеварот Партизански одреди во Скопје.
Обвинението за таткото е за предизвикување општа опасност.
„Во текот на претходната постапка јавниот обвинител обезбеди докази, од кои произлегува дека обвинетиот, во периодот од 4.11.2022 до 30.1.2025 година, со општо опасно дејство предизвикал опасност за животот и телото на луѓето, свесен дека поради неговите сторувања може да настапат штетни последици, а сепак лекомислено сметал дека тие нема да настапат.
Тој на својот син му давал да управува патничко моторно возило ‘пежо 207’ иако знаел дека синот не смее да управува автомобил бидејќи нема возачка дозвола и е повеќекратен сторител на сообраќајни деликти, и тоа: едно кривично дело – сообраќајна несреќа со полесни последици во ноември 2022 година, 11 сообраќајни прекршоци (возење без возачка дозвола, возење под дејство на алкохол, непочитување семафор и пешачки премин) во текот на 2023 и 2024 година, како и кривично дело – сообраќајна несреќа со смртни последици на 29.1.2025 година“, велат од Обвинителството.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
