(Видео) Манасиевски: СДС повикуваше да го смениме Уставот за да се гордееме, со објаснување дека нема да има нови блокади, ќе се извинат ли сега?
- Детали
- Категорија: Македонија
- Создадено: 23 Април 2025
Нема да има подобар договор ниту нови условувања, да донесеме одлука со која сите ќе се гордееме, кажа Димитар Ковачевски на 06.08.2023 година. Ова е извадок од соопштение од СДС од нивната официјална страница. Од овде се гледа дека СДС свесно лажеше, вели Валентин Манасиевски, член на ЦК на ВМРО-ДПМНЕ.
„Денес 23.04.2025 година, нецели две години потоа, министерот за надворешни работи на Бугарија лично кажа дека со промената на Уставот, нема да завршат бугарските барања.
Дополнително еврокомесарката Марта Кос, кажа дека не може да потврди дека нема да има нови блокади заради билатерални прашања.
Двете тези на СДС со кои ги лажеа граѓаните дека нема да има нови барања од Бугарија, и втората дека нема да има блокади заради билатерални прашања се побиени“, додава тој.
СДС, според него, ја донесе државата до ќорсокак. Оценува дека лошите политики, кусогледоста и немањето визија денес не чинат и преговарачки позиции и углед.
СДС, вели Манасиевски, треба да се извини за грешките кои ги направија со Бугарија. Штетите, како што рече, се преголеми.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
