1-ва Скопска - МТМ Телевизија

Актерот Глен Пауел гостуваше во поткастот Today with Jenna & Friends. Во него тој се осврна на шпекулациите дека е во врска со Сидни Свини, која неодамна наводно ја раскинала свршувачката со Џонатан Давино.

Водителката Џена Буш Хејгер го прашала дали е изненаден од бурните реакции на јавноста по фотографиите со Свини, направени на свадбата на неговата сестра Лесли.

„Знаете, сè е до моментот. Лесли и Сид се навистина добри пријателки, венчавката беше феноменална“, изјави Пауел низ смеа.

Тој додаде дека венчавката била забавна и донекаде диво време со семејството и пријателите. „Семејството Пауел знае да се забавува!“, истакна тој.

Да потсетиме, мајката на Глен, Синди, неодамна проговори за сè. „Тие дефинитивно не се заедно“, изјави таа за „Дејли мејл“ во телефонско интервју. Вели дека шпекулациите за врска се глупави и дека ништо не се случува зад затворени врати.

„Ја сакаме Сидни. Само ја сметаме за навистина добра пријателка. Тогаш бевме сите заедно, а одамна ја немавме видено. Таа е вистинска пријателка и сите уживаме да бидеме со неа“, додала мајката на актерот.