1-ва Скопска - МТМ Телевизија

Бројот на жртви од катастрофалните поплави во северноцентралниот нигериски трговски град Моква, во државата Нигер, се искачи на најмалку 200, изјави локален функционер, според „Ен-би-си њуз“.

Видеото: https://x.com/MarioNawfal/status/1928798622847496536?ref_src=twsrc%5Etfw%7Ctwcamp%5Etweetembed%7Ctwterm%5E1928798622847496536%7Ctwgr%5Ee11f6aa6d7cd4c2a62cf8883be879dba62367bd5%7Ctwcon%5Es1_&ref_url=https%3A%2F%2Fmakfax.com.mk%2Fsvet%2Fd0b2d0b8d0b4d0b5d0be-d0bdd0b0d198d0bcd0b0d0bbd0bad183-200-d0b6d180d182d0b2d0b8-d0b2d0be-d0bfd0bed0bfd0bbd0b0d0b2d0b8d182d0b5-d0b2d0be%2F

Обилните дождови во четвртокот во зори предизвикаа катастрофални поплави во Моква, околу 380 километри западно од Абуџа и голем трговски и транспортен центар, каде што земјоделците од северна Нигерија им продаваат грав, кромид и друга храна на трговци од југ.

Заменик-претседателот на Советот на локалната самоуправа Моква, Муса Кимбоку, го потврди ажурираниот број на жртви за „Асошиетед прес“. Тој рече дека спасувачките напори се прекинати бидејќи властите повеќе не веруваат дека има преживеани.

За да се спречи ширењето на болеста, службените лица во моментот ги ископуват телата закопани под урнатините, додаде Кимбоку.

Во саботата, портпаролот на Агенцијата за управување со вонредни состојби на Нигер, Ибрахим Ауду Хусеини, изјави дека уште 11 лица се повредени, а повеќе од 3.000 луѓе се раселени.

Најмалку 500 домаќинства во три заедници беа погодени од ненадејни поплави, што се развија бргу, за речиси пет часа, оставајќи ги покривите едвај видливи, а преживеаните до половината во вода додека се обидуваа да спасат што може и да им помогнат на другите.

Хусеини додаде дека два пата се оштетени, а два моста се урнале.

Во соопштението објавено во петокот вечерта претседателот Бола Тинубу изрази сочувство и рече дека наредил активирање итна реакција за поддршка на жртвите и забрзување на закрепнувањето.