(Видео) Моќна ерупција на Етна: туристите панично бегаат
- Детали
- Категорија: Свет
- Создадено: 02 Јуни 2025
Вулканот Етна на Сицилија, највисокиот активен вулкан во Европа, повторно еруптира предизвикувајќи паника кај туристите, кои бегаа за да си го спасат животот.
Италијанскиот национален институт за геофизика и вулканологија соопшти:
„Во последните неколку часа активноста забележана во претходниот извештај, издаден во 4.14 часот наутро, продолжи со експлозии со зголемен интензитет, кои во моментот се многу силни и речиси континуирани“.
Според податоците од веб-страницата VolcanoDiscovery.com, сеизмичка активност во форма на вулкански тремор е забележана пред ерупцијата, пишува „Мирор“.
Треморот почнал синоќа околу 22 часот и го достигнал својот врв околу 1 часот по полноќ. Епицентарот се наоѓал на висина од 2,8 километра под кратерот.
Засега нема извештаи за повредени, но властите внимателно ја следат ситуацијата и издаваат предупредувања поради можна понатамошна ескалација на вулканската активност.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
