Пратеничката на СДСМ, Лидија Тасевска, во рамките на собраниската расправа посветена на предложениот ребаланс на буџетот за 2021 година истакна дека клучни остануваат здравјето на граѓаните, економијата со стабилни параметри и здрави финансии.
 
Претседателот Стево Пендаровски денеска оствари средба со Илија Псалтиров, Сузана Тунева, Бекри Ајдини и Абдилџемил Саити, економски советници во амбасадите на Република Северна Македонија во Варшава, Анкара и Абу Даби и конзулатот во Минхен.
 
Иако се прави и ребаланс на Буџет, пари за здравството нема, а истото функционира на основ на донации, рече пратеничката од ВМРО-ДПМНЕ, Јадранка Поцкова на собраниската седница на која се дебатира за ребалансот на Буџетот за 2021 година.
 
СДСМ е силно посветен на реализација на капитални инфраструктурни проекти кои го унапредуваат квалитетот на животот на граѓаните. Како никогаш досега се инвестира во развој на патната инфраструктура низ целата држава, нагласи пратеникот од редовите на СДСМ, Коле Чаракчиев.
 

Поевтинуваат горивата

Бензините и дизелот од ноќеска на полноќ ќе поевтинат за 1,5 и за 1 денар, соопшти Регулаторната комисија за енергетика.
 
Гувернерката на Народната банка, Анита Ангеловска-Бежоска е вклучена во иницијативата на водечкиот глобален информативен сервис за централно банкарство и финансии, „Централ бенкинг“, за промовирање на рамноправноста, различноста и инклузијата.
 
Здравјето на граѓаните, здравата економија, како и здрави финансии и општество воопшто остануваат клучни приоритети за оваа година.
 
Државниот завод за индустриска сопственост евидентира зголемен број на поднесени барања за заштита на трговски марки за 31% и поднесени повеќе барања за заштита на патенти за 7,9%. Зголемениот број на поднесени барања за заштита се однесува на периодот од јануари до јуни тековнава година споредбено со истиот период од минатата година.
 
Денеска пред пратениците е ребалансот на буџетот за 2021 година.
 
Берлин и Вашингтон постигнале некакво разбирање за гасоводот „Северен поток 2“ за време на посетата на канцеларката Ангела Меркел на САД, но деталите од договорот сè уште не се познати за Кремљ, изјави портпаролот на рускиот претседател, Дмитриј Песков, за ТАСС.
 
Град Скопје ја заврши втората фаза од реконструкцијата на булеварот Никола Карев, која го опфаќа потегот од крстосницата кај касарната „Илинден“ до Момин Поток, инфомрмира денеска Љубица Јанчева, претседателка на Советот на Град Скопје.
 

Прв пад на биткоинот под 30 000 УСД за еден месец

Водечката криптовалута биткоин падна под 30.000 УСД во вторникот, првпат од 22 јуни, по вчерашните агресивни распродажби на глобалните берзи.
 

Просечната плата во мај изнесувала 28.721 денари

Согласно податоците на Државниот завод за статистика, во мај годинава просечната месечна исплатена нето плата по вработен изнесува 28.721,00 денари. Во однос на мај 2020 година, регистрирано е зголемување од 8,8% или 2.331,00 денари за една година.
 
Владата на денешната седница го утврди текстот на предлог-законот за контрола на опојни дроги и психотропни супстанции во кој се транспонирани повеќе рамковни одлуки и директиви на Европскиот парламент и на Европскиот совет.
 
Првата група од 121 турист од Холандија со чартер лет пристигна на аеродромот „Св.Апостол Павле“ во Охрид.
 
Пратеничката на СДСМ Даниела Николова истакна дека навремените и ефикасни економски политики на Владата предводена од СДСМ придонесоа македонската економија денеска да е на стабилни основи, да биде развојна, динамична и конкурентна. Доказ за тоа, како што рече Николова е економската активност во Технолошко развојните индустриски зони, која во вториот квартал од оваа година е на највисоко ниво во последните четири години.
 
По предлог на Министерството за економија, Владата на денешната седница ги усвои измените и дополнувањата на Законот за финансиска поддршка на инвестициите, објави министерот за економија Крешник Бектеши на својот Фејсбук профил.
 
Регулаторната комисија за енергетика и водни услуги донесе одлука со која се врши зголемување на малопродажните цени на нафтените деривати во просек за 0,04% во однос на Одлуката од 12.7.2021 година.
 

© MTM ТВ Дооел - Скопје. Сите права се заштитени.