Се урна зграда во Мајорка: расте бројот на загинати и повредени

Бројот на загинати во уривањето на двокатната зграда на шпанскиот остров Мајорка се искачи на четири, а бројот на повредени на 16, а неколку луѓе се уште се под урнатините, соопштија локалните служби за итни случаи.

Претходно беше соопштено дека загинале најмалку две лица, а најмалку 12 се повредени.

Локалните медиуми објавија дека ресторанот Медуза Бич Клуб се наоѓал во зградата што се урна во четвртокот вечерта во главниот град на Мајорка, Палма.

Се урнал подот од првиот кат од зградата, по што луѓето паднале во подрумот, а повеќето од загинатите и повредените се странци и туристи, изјави за локалните медиуми, шефот на противпожарната служба во Палма, Едер Гарсија.

Портпаролот на локалната полиција им рекол на новинарите дека се истражува причината за падот, пренесува „Ел Паис“.

Шпанскиот премиер Педро Санчез упати сочувство до семејствата на жртвите и посочи дека владата е подготвена да ја испрати сета потребна помош.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.