1-ва Скопска - МТМ Телевизија

Напојувањето е делумно вратено во делови од чилеанската престолнина Сантијаго, откако речиси целата земја остана без струја, јавува Би-Би-Си. Прогласена е вонредна состојба со полициски час во погодените подрачја, каде се распоредени војници.

Третиот ден од фестивалот Виња дел Мар, најголемиот музички настан во Латинска Америка, е откажан. Болниците и затворите ширум државата работат на генератори за итни случаи, а сообраќајот е во застој.

Претседателот Габриел Бориќ ѝ се обрати на нацијата на телевизија, велејќи дека осум милиони домаќинства се погодени, но дека електричната енергија е вратена на околу половина од нив. „Она што се случи денеска е срамота“, рече тој. „Не е прифатливо една или неколку компании да влијаат на секојдневниот живот на милиони Чилеанци и затоа е должност на државата да ги повика на одговорност“.

 https://twitter.com/i/status/1894604883489173561

Националната служба за спречување и одговор при катастрофи претходно објави дека прекинот на електричната енергија ги зафатил регионите Арика и Паринакота на север сè до Лос Лагос на југ.

Ројтерс објави дека најголемиот рудник за бакар во светот, Ескондида, останал без струја, повикувајќи се на извор близок до тоа прашање.

 https://twitter.com/i/status/1894476689520169403

Снимките од градот покажуваат како патници се евакуираат од станиците, додека семафорите исто така се исклучени. Се формираа долги редици за автобусите кои сè уште сообраќаат по градските улици.

Чилеанската министерка за внатрешни работи Каролина Тоха објави на Икс дека ќе се свика состанок за да се разговара за понатамошни мерки за обновување на услугите.