1-ва Скопска - МТМ Телевизија

Израелско-американскиот заложник Еден Александар се врати на своето семејство во Израел откога помина 19 месеци во заробеништво на Хамас во Газа.

Видеото можете да го погледнете на следниот линк: https://x.com/IsraeliPM/status/1922017213050954210?ref_src=twsrc%5Etfw%7Ctwcamp%5Etweetembed%7Ctwterm%5E1922017213050954210%7Ctwgr%5Eb46d982051546c2e6a5db23c59eae86e18f6b4b0%7Ctwcon%5Es1_&ref_url=https%3A%2F%2Fmakfax.com.mk%2Fsvet%2Fd0b2d0b8d0b4d0b5d0be-d182d180d0bed0b3d0b0d182d0b5d0bbd0bdd0b0-d181d180d0b5d0b4d0b1d0b0-d0b5d0b4d0b5d0bd-d0b0d0bbd0b5d0bad181d0b0d0bd%2F

Дваесет и едногодишниот Александар служел во израелската армија на границата со Газа кога бил заробен од членови на Хамас на 7 октомври 2023 година.

Во понеделникот Израел ги прекина воените операции во Газа на неколку часа за да се овозможи негова размена. Висок функционер на Хамас изјави за Би-би-си дека ослободувањето на заложниците е гест на добра волја како дел од напорите за постигнување нов прекин на огнот пред пристигнувањето на американскиот претседател Доналд Трамп на Блискиот Исток во вторник.

Се верува дека Александар е последниот жив американски државјанин држен во заробеништво од Хамас.

Претседателот Трамп му честита на неговото семејство за ослободувањето.

Телевизиските снимки го покажуваат Едан Александар како насмеано ги прегрнува своите родители и браќа и сестри во израелска воена база.

Во изјава за медиумите неговото семејство му се заблагодари на американскиот претседател, но исто така ги повика израелската влада и преговарачите да продолжат да работат на ослободување на преостанатите 58 заложници.

Александар е првиот заложник ослободен од Хамас откога Израел ги продолжи воените операции на 18 март по двомесечното примирје.