Норвешка ги поддржа Финска и Шведска
- Детали
- Категорија: Свет
- Создадено: 14 Мај 2022
Норвешка денеска ги поддржа плановите на Финска и Шведска за влез во НАТО и покрај критиките од Турција.
„ Не знаеме што навистина мисли Турција, но од норвешка перспектива, ние сме 100 отсто зад Финска и Шведска доколку решат да аплицираат за членство во НАТО“, рече норвешката министерка за надворешни работи Аникен Хитфелд при доаѓањето на состанокот со колегите од НАТО во Берлин, објави „Ројтерс“.
„ Ова ќе ја зајакне и нордиската соработка, бидејќи по Втората светска војна избравме поинаку, така што мислам дека ова сега е историски момент“, додаде таа.
Холандскиот министер за надворешни работи Вопке Хукстра се согласи со неа, велејќи дека е важно сите членки на НАТО да покажат единство.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
