1-ва Скопска - МТМ Телевизија

Пејачката Јелена Томашевиќ проговори за страшната трагедија што ја потресе Северна Македонија, каде што најмалку 59 лица загинаа, а повеќе од 150 се повредени во пожар во дискотека во Кочани.

Таа се прости од трагично загинатите членови на бендот на „ДНК“, меѓу кои и тапанарот Горги Горгиев.

– Нека ви бидат светли Господовите патишта за вас и членовите на вашиот бенд „ДНК“, како и за сите оние кои прерано заминаа со вас во царството небесно. Тага до небо во мојата сакана Македонија! Длабоко сочувствувам со вас! Искрено сочувство до сите семејства на жртвите и до сите граѓани на Македонија, напиша Јелена на Инстаграм споделувајќи фотографија со Горги.