1-ва Скопска - МТМ Телевизија

Кинеската актерка и инфлуенсерка Ван Кианхуи го украде шоуто на отворањето на Канскиот филмски фестивал со необична облека што го прекрши новиот дрес-код на фестивалот.

За време на церемонијата на отворањето, нејзиниот екстравагантен бел фустан привлече поголемо медиумско внимание отколку настапите на етаблираните ѕвезди. Имено, таа се појави во огромен бел фустан кој наликуваше на облак. Косата ја врза во пунџа, а комбинацијата ја комплетираше со сребрени обетки.

Сепак, нејзиното впечатливо издание всушност е спротивно на кодексот на облекување. Имено, во пресрет на официјалното отворање на Канскиот филмски фестивал, организаторите одлучија да воведат ново правило, според кое е забрането носење „фустани со волумен или фустани со набори“.

Организаторите воведоа кодекс на облекување со кој се забрануваат фустани што го попречуваат правилниот проток на гости и го комплицираат седењето во киното, што го прекрши актерката, инаку позната по своите екстравагантни изданија.