1-ва Скопска - МТМ Телевизија

Пожар избувна во околината на Марибор. Уште од доцна синоќа на терен се неколку противпожарни единици. Од противпожарната единица Марибор за N1 Словенија потврдија дека гори фабрика за преработка на пластика.

Полицијата ги предупредува граѓаните да ги затворат прозорците и да се држат настрана од пожарот. Според информациите, пожарот избувнал околу 19 часот, а на терен освен професионални пожарникари, на терен се и сите околни противпожарни единици.

Според последните информации, фабриката е во сопственост на компанијата Плана. Шефот на противпожарната служба на Марибор, Примож Осојник, објасни како се запалила шаторската хала во која се чувале пластични производи, а пожарот се проширил на површина од 9.600 метри квадратни. Околу 150 пожарникари се борат со пламените јазици, вклучувајќи ги и оние од Марибор и 18 други блиски противпожарни служби. Осојник додаде дека пожарот е ставен под контрола. Првично се мачеа со високата температура поради која пожарот брзо се прошири.

Во гаснењето на пожарот помогна и компанијата „Суровина“, која обезбеди 1.000 кубни метри вода за пожарот. Според познатите информации, во пожарот нема повредени, соопшти полициската управа на Марибор. Материјалната штета изнесува повеќе од еден милион евра, додаваат од полициската управа Марибор.

 https://twitter.com/i/status/1888322503321460746

„Интервенцијата во моментов е во тек, а сѐ уште не е можно да се посети местото на пожарот и не можеме да дадеме повеќе информации за причините за пожарот“, заклучуваат оттаму.