Бојковски до Арсовска и ЈСП: Месните заедници треба да учествуваат во одлуката за менување на возните линии
- Детали
- Категорија: Град Скопје
- Создадено: 30 Јануари 2025
„ЈСП имаше пракса дури и директорот и стручните служби на ЈСП, дури лично директорот учествуваше кога се правеа возни редови и менување на возни редови и линии. Доаѓам од локална самоуправа каде баш тоа сум го работел и сме седнувале со Јанушев кога беше директор на ЈСП и до детали со сите месни заедници сме се собирале со луѓе и сме правеле менување на возни редови по потребите на граѓаните“, истакна советникот од ВМРО-ДПМНЕ Тони Бојковски на денешната седница на Советот на Град Скопје обраќајќи се до директорот на ЈСП, Драги Кушовски и градоначалничката Данела Арсовска.
Бојковски посочи дека во минатото во менување и правење на возни редови на автобуси учествувале месните заедници, дел од администрацијата на самата општина, администрацијата на градот и директорот на ЈСП.
„Добро е како пракса месните и урбаните заедници да учествуваат во вакви работи затоа што се работи за населени места каде без разлика на се, и каде живее дали во Раштак или Автокоманда мора да дојде на работното место инаку ќе го избркаат од работа“, посочи Бојковски.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
