Изложбата „Од семејно до институционално наследство“ гостува во Културно-информативниот центар во Истанбул
- Детали
- Категорија: Култура
- Создадено: 07 Ноември 2024
Изложбата “Од семејно кон институционално културно наследство – семејство Шабан” на Музејот на македонската борба за самостојност ќе гостува од 8 до 14 ноември во Културно-информативниот центар во Истанбул.
Експозицијата ја сочинуваат 15 изложбени паноа, со текстови и фотографии од донирани предмети на семејството Шабан во временски интервал од 200 години, кои со својата посебност доловуваат моменти и пренесуваат емоции при презентирање на традицијата и културата, истовремено овозможувајќи подлабоко разбирање на ритуалите, обичаите и уметничките изрази, кои ги дефинираат нашите културни идентитети.
Автор на изложбата е Елизабета Марковска, кустос етнолог, а соработници за реализација на проектот се Василија Чали, Ана Китановиќ, Марија Коробар и Габриела Бошкова Постолова.
Отворањето на изложбата е на 8 ноември 2024 (петок) во 18 часот, во просториите на Културно-информативниот центар на Република Северна Македонија во Истанбул.
Изложбата е поддржана од Годишната програма на Министерството за култура за 2024 година.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
