Борел: Секој повик за нуклеарна војна е неодговорност
- Детали
- Категорија: Свет
- Создадено: 19 Ноември 2024
Секој повик за нуклеарна војна е неодговорност, изјави денеска високиот претставник на ЕУ за надворешна политика и безбедност Жосеп Борел во врска со одлуката на рускиот претседател Владимир Путин да ја промени руската нуклеарна доктрина, што значи дека отсега Русија го задржува правото да користи нуклеарно оружје.
На прес-конференција во Брисел, по состанокот на Советот за надворешни работи на ЕУ за одбрана, Борел го осуди секое спомнување на употреба на нуклеарно оружје.
„Не е првпат да се закануваат со нуклеарна ескалација, што е целосно неодговорно. Русија го прифати принципот дека нуклеарна војна не може да се победи и дека никогаш не смее да се води. Секој повик за нуклеарна војна е неодговорен“, рече тој.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
