Контролата го прашала пилотот на хеликоптерот „дали може да го види авионот“, помалку од 30 секунди пред судирот во Вашингтон
- Детали
- Категорија: Свет
- Создадено: 30 Јануари 2025
Во медиумите се појавија детали за последните моменти пред патничкиот авион на Американ Ерлајнс да се судри со воен хеликоптер Блек Хок во близина на националниот аеродром Вашингтон Реган.
Неколку минути пред планираното слетување, контролорите на летање го прашале авионот што доаѓал дали може да слета на пократката писта на аеродромот, објави новинската агенција Асошиетед прес.
Пилотите одговориле дека можат и контролорите му дозволиле на авионот да слета на пистата 33. На помалку од 30 секунди пред судирот, контролорот го прашал пилотот на хеликоптерот дали може да го види авионот.
Контролорот направи уште еден повик до хеликоптерот неколку моменти подоцна. Сепак, дошло до судир.
Податоците пренесени од транспондерот на авионот пред падот покажаа дека авионот во моментот на судирот се наоѓал на височина од околу 120 метри и се движел со брзина од 225 километри на час.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
